Mizo te hi Kristian kan nih hma chuan kan khawvel kha thlarau khawvel (world of spirit) a ni tiin sawi ta ila a dik awm e. Kan pi leh pu te khan hmun maksak leh danglam deuh bikah chuan thlarau/huai te kha awm zel tura ngaihna an nei lian em em thin a ni. Hei tak mai hi kan Kristian rilru ah pawh hian a la lian hle niin a lang.
Mi danglam leh maksak deuhva a chet tawh chuan thlarau mi riauva hriatna kan nei nghla mai thin. A chet dan mawilo deuh dawn pawh nise Kohhran hruaitu te pawhin han sawisel kan ngam lova, Bible nen a inmil em tih lam pawh kan ngaihtuah vak lo hle. Mizo Kristian te hi kum 100 chuang zet chu Kristian kan lo ni ve ta a. Pathian thu pawh hria kan inti tlangpui a. Mahse ngun taka pathian thu ngaihtuah leh zirchian peihna erawh kan nei lemlo hle a, kan lo hriat thin tawh dan (traditional understanding)hi dik berah kan ngai deuh mai thin niin a lang.
No comments:
Post a Comment